“Anigoo ah qof reer Seattle ah oo ku noolaa muddo badan agagaarka North End, waxaan la leeyahay xiriir qoto dheer bulshadayda. Anigoo ah garsoorihii hore ee Maxkamadda Sare ee Degmada King, difaacii hore ee dadweynaha Seattle, ahaana Gudoomiyihii hore ee Komishanka Xuquuqul Insaanka Seattle, waxaan haystaa rikoor la xaqiijiyay oo u doodis wax ku ool ah iyo adeeg dadweyne anigoo ku hadlaya magaca dhammaan bulshadayada.
Waa xiriirka dheer ee aan la leeyahay magaaladeena iyo taariikhda ka-qaybgalka madaniga ah ayaa igu riixaya inaan ku matalo Degmadayada Golaha Magaalada Seattle oo aan hubiyo in dhammaan bulshadayada ay ku noolaadaan sharaf, badbaado, iyo fursad.
Sharaf ayay ii tahay inaan kasbado taageeradaada!”
— Cathy
DEGMADA 5-AAD
Degmada 5-aad way ka baaxad wayn tahay wadarta xaafadaha kale. Waa ku taalo Xarunta Caafimaadka ee UW Waqooyi-galbeed. Waa kaloo ku taalo North Seattle College. Waxay leedahay dugsiyo hoose, dhexe iyo sare. Waxay leedahay jardiinooyin, harooyin, dariiqyada baaskiilka, xarumaha bulshada, iyo maktabadaha. Waxaa ku taalo NorthGate mall, xeegada barafka, tiyaatarada filimada. Waa saldhigyo tareen fudud iyo basaska degdega loo raaco iyo saddex waddo oo waaweyn. Waxay leedaghay nooc kasta oo ka mid ah cunnooyinka adduunka iyo meelaha wax laga sameeyo iyo kafateeriyada iyo farmashiyooyin. Waa ganacsiyo yaryar oo fara badan. Waa hay’adaha adeegga aadanaha iyo ururada gargaarka wadaagga ah. Waxay hoy u tahay dhallinyaro iyo waayeel, kuwo dhawaan yimid iyo kuwo muddo dheer deggenaa.
Ku socota jinsiyadda, qowmiyadda, iyo kala duwanaanta dhaqan-dhaqaale. Waxay hoy u tahay guryo ku fadhiyo malaayiin doolar ah iyo guryo dakhligoodu hooseeyo, guryo qoys oo keli ah, ADUs/DADUs/guryaha magaalada/dabaqyo. Marka la soo koobo, waa degmo firfircoon oo dhinacyo badan leh oo leh mustaqbal rajo leh.
Waxaan sidoo kale jirto qaybteena baahiyaha gaarka ah oo ay ku jiraan dib u habeynta marinka Aurora Ave N; Ka ganacsiga galmada ee Aurora Ave N; dib u dhiska ka socda Northgate Mall iyo nawaaxigeeda; cufnaanta loo igmaday agagaarka saldhigga tareenka fudud ee 130-aad ee soo socda; Socdaalka Bari/galbeed; qorshaha mustaqbalka ee magaalada Lake City; waddooyinka dhinaceeda; iyo Harka biyaha ee Thornton Creek.
Waxaan keenayaa hogaan adag, waaya aragnimo leh, iyo hogaan heer deegaan ah oo loo baahan yahay si aan u helno saamigeena maalgashiga iyo natiijada degmada 5-aad, horumar wax ku ool ahna aan ka samayno caqabadaha caasimadeena soo food saartay. Waxaan noqon doonaa mid daah-furan oo la heli karo, waxaan ku hogaamin doonaa si xalal ah oo siman oo bulshadu raali ka tahay, waxaana ugu muhiimsan inaad ila xisaabtami doontaan.
KU SAABSAN ANIGA
Hooyo keligeed/garoob ah, hooyaday waxay igu korisay Lake City iyo Capitol Hill iyada oo ka shaqaynaysay Jaamacadda Washington oo markii dambana wax bari jirtay ardayda kulliyadaha bulshada muddo dhan soddon sano ah.
Waxaan raacay wadadeedii ay ku jirtay oo ahayd u adeegga bulshada. Markii aan ka baxay jaamacada sharciga, waxaan u dagaallamayay dadka deggan Seattle anigoo ah qareen dadweyne anigoo la shaqaynayo Ururka Qareenada Seattle, ka dibna, waxaan u dagaallamay carruurta iyo qoysaska anigoo ah qareenka sharciga qoyska. Anigoo ah Guddoomiyaha Guddiga Xuquuqul Insaanka Seattle, waxaan u ololeeyay ilaalinta dastuurka iyo la xisaabtanka Waaxda Booliska Seattle. Anigoo ah Xog-hayah Ku Meel Gaarka ah ee Magaalada, waxaan kormeeray hawlaha sharci ee Golaha Magaalada Seattle.
Mudnaantayda ugu weyn waxay ahayd in la ii doortay u adeegida Garsooraha Maxkamadda Sare ee Degmada King, halkaas oo aan ugu adeegay bulshadayda, si cabsi la’aan ama eex aan kujirin. Marka laga soo tago xukunka dembiyada, sharciga qoyska, iyo tijaabooyinka cudurrada dhimirka, waxaan taageeray dacwadda Xeer Ilaaliyaha Guud ee Ferguson oo ka dhanka ah Pharma Purdue, kiis kaas oo ugu dambeyntii sababay heshiis taariikhi ah oo lagu maalgeliyo daaweynta opioid-ka. Waa iga go’an tahay cadaalada jinsiyadeed, waxaan sidoo kale ka shaqeeyay dib u habaynta nidaamka sharciga dambiyada.
Aniga iyo ninkeyga waxaan korinay saddex wiil, oo hadda ah dad waaweyn iyo dhammaan ka qalin jabiyay Dugsiyada Dadweynaha ee Seattle. Waqti fudud ma ahayn. Sida dad badan oo reer Seattle ah, ma aannan awoodin in aan awood u yeelano in aan guri ka gadano magaalada sidaas darteedna waxaan daganeen guryo kiro kiro ku dhawaad labaatan sano. Waxaan ku dhibtoonay mararka qaarkood inaan bixino biilasha, gaar ahaan ka dib markii shirkaddeena caymisku ay diiday caymiska daawaynta kansarka ninkeyga kadibna shaqada eryay. Muddo aan dheerayn ka dib, aniga oo saddex dayda wiil oo guriga jooga, waxa aan noqday daryeelaha hooyaday sababo la xiriira dhiig kar ba’an oo kudhacay hooyaday.
Maanta, ninkaygu wuxuu leeyahay ganacsi yar oo guul wayn laga gaaray, waxaan nahay mulkiilayaal guri, dhammaanteen waan caafimaad qabnaa, wiilasheenna si madax banaan ayay u wataan noloshooda. Waa hadafkayga in aan abuuro magaalo ay suurtagal tahay in dhammaan reer Seattle ay helaan mudnaanta iyo fursada aniga iyo qoyskaygu aan ku riyaaqnay.